SKÓLAREGLUR

Markmið skólareglna er að stuðla að jákvæðu og uppbyggilegu námsumhverfi þar sem öll geta notið sín.

1. Nemendum og kennurum ber að mæta stundvíslega í allar kennslustundir.
   Tilkynna þarf forföll til viðkomandi kennara eða í síma Domus vox: 511-3737

2. Veikist kennari og tími fellur niður, er reynt að hafa samband við nemandann eða foreldra/forráðamanna eins fljótt og hægt er. Skólanum er ekki skylt að bæta upp einstakar kennslustundir en ef veikindin dragast lengur en tvær vikur útvegar skólinn forfallakennara.
3. Nemendum ber að sinna heimaverkefnum og æfingum af samviskusemi. Æfingin skapar meistarann.

4. Notkun farsíma er bönnuð í kennslustundum.

5. Sýnum samnemendum, kennurum og starfsfólki kurteisi – virðinu – kærleika

6. Förum vel með húsnæði og búnað skólans.

7. Nemendum ber að taka virkan þátt í tónleikum og sameiginlegum verkefnum eftir því sem við á.

8. Einnig skal mæta á alla tónfundi, samsöngstíma / kóræfingar og tónfræðatíma sem nemendum er ætlað.
9. Neysla matvæla bönnuð í kennslustundum.
10. Skilmálar skólans eru samþykktir við skráningu. Skilmála má finna hér fyrir neðan.

Gagnkvæm virðing, ábyrgð og jákvæð samskipti eru grunnforsendur alls skólastarfs við Söngskólann Domus vox.

SKILMÁLAR

1. Skráning

Skráning í Söngskólann Domus Vox fer fram í gegnum Sportabler.
Með skráningu staðfestir nemandi eða forráðamaður að hann hafi kynnt sér skólareglur, skilmála og gildandi gjaldskrá skólans og samþykki þau.

2. Skólagjöld

Skólagjöld eru ákveðin samkvæmt gildandi gjaldskrá Söngskólans Domus Vox og eru birt áður en kennsla hefst.
Greiðendur geta nýtt frístundastyrk sveitarfélaga þar sem það á við. Skólagjöld skulu greidd samkvæmt þeim gjalddögum og greiðsluskilmálum sem fram koma við skráningu í Sportabler.

3. Námsþátttaka

Nemendur skuldbinda sig til að mæta reglulega í kennslu, sinna heimaverkefnum og taka þátt í tónleikum, samsöngstímum, tónfundum og öðrum verkefnum sem eru hluti af náminu.

4. Persónuvernd

Persónuupplýsingar sem veittar eru við skráningu í Sportabler eru eingöngu notaðar vegna umsýslu náms, samskipta við nemendur og forráðamenn og annarrar lögmætrar starfsemi skólans.
Meðferð persónuupplýsinga fer fram í samræmi við gildandi persónuverndarlöggjöf.

5. Ljósmyndir og myndefni

Við tónleika, viðburði og í skólastarfi getur Söngskólinn Domus Vox tekið ljósmyndir eða myndskeið í kynningarskyn
Við skráningu í Sportabler geta nemendur eða forráðamenn samþykkt eða hafnað slíkri myndatöku og birtingu. Samþykki má afturkalla hvenær sem er með skriflegri beiðni til skólans.

7. Breytingar á kennslu

Söngskólinn Domus Vox áskilur sér rétt til að gera nauðsynlegar breytingar á stundaskrá, kennurum eða skipulagi kennslu ef sérstakar aðstæður krefjast þess. Leitast verður við að lágmarka áhrif slíkra breytinga á námi nemenda.

8. Gildistaka

Þessir skilmálar taka gildi þegar skólinn hefur staðfest skráningu nemanda í Söngskólann Domus Vox og gilda á meðan nemandi stundar nám við skólann.